By Karen James
Asaba, Delta State — The sun shine special on High Chief Hon. Nzubechukwu Henry Ikeji as he mark another glorious year on earth with a birthday celebration that carry laughter, love, and legit money rain! The party happen live for Asaba, Delta State, and e choke with joy, style, and blessings from friends, family, and well-wishers.
People no just show face, dem come with plenty love and prayers for the man wey many call “the People’s Chief” and “Father of the Children.” The atmosphere sweet like jollof as guests dey sing, dance, chop, and celebrate the life of a true community hero.
But the highlight wey burst everywhere na when his beautiful and ever-stylish wife, Lolo Confidence Ikeji, carry enter with a solid N5 million block of money, plus plenty dollars wey shine like diamond under the birthday light! Guests shout “awww” and “God when?” as the money appear like magic.
People still dey talk about the deep love between Chief Henry and Lolo Confidence. One guest talk say, “This love na no be ‘audio’—na confirmed!”
This month wey him birthday land na Children’s Month, and everybody agree say it no be coincidence. Chief Ikeji na man wey carry children for heart, and him life don bless many homes with hope and support. As one guest put am, “Chief no just dey live for himself—he dey live for the people!”
Na why today, from Asaba to Anambra, everybody dey shout:
“Happy Birthday to our High Chief, our Leader, our Blessing!”
From all of us at Pechilly Investigative:
Chief Nzubechukwu Henry Ikeji, we dey wish you long life, more blessings, more money, and unshakable joy. Remain forever blessed, Sir!
