By Karen James
Di Joint Security Force wey include Police, Army and Anambra State Vigilante don carry dia offensive operation reach one criminal hideout for Isseke, Ihiala Local Government Area of Anambra State on di 24th of May, 2025.
For di raid, dem destroy one local bomb factory and dem recover plenty locally made Improvised Explosive Devices (IEDs), wey dem later demobilize. Dis place na one of di last base wey one secessionist group dey use do evil since over two years now.
One of di IEDs wey dem bury for ground near di camp explode as di operation dey go on, and e scatter part of di road. Dem bin use am like trap to stop di security men from entering. But as God go have am, nobody die for di operation.
Di Joint Task Force don promise say dem go continue di strong operation to make sure say peace fully return to di area and criminals no fit come back again.
